Яз көне хезмәткә омтылыш, дөрес туклануга теләк, экологик тәрбия бирү максатыннан бакчада  тәрбиячеләр белән балалар берлектә яшелчәләр, кузаклы, бөртекле культуралар,витаминлы үсемлекләр утыртылды. Җәй дәвамында балалар аларның ничек үсүен күзәтеп кенә калмый, ә өлкәннәр белән берлектә су сибә, чүпләрен утауда катнаша.Һәр үсемлекнең нәрсәгә файдалы булуы турында фикер алышалар. Петрушка, укроп, салат, яшел суган салатларга кушар өчен җыела.Балалар үз эшләренең нәтиҗәсен тоя белергә өйрәнә, горурлык хисе уяна.