Хөрмәтле укытучылар, әти-әниләр, укучылар! Сезне бүгенге Белем көне – Беренче кыңгырау бәйрәме белән котлыйбыз. Әлеге уку елы күңелле вакыйгаларга һәм иҗади ачышларга бай булсын иде. Мәктәп тормышыгыз эчтәлекле һәм мавыктыргыч узсын. Укытучыларга - һөнәри уңышлар, зирәклек, укучыларының мәхәббәт һәм хөрмәтен яулауларын, балаларга – эш сөючәнлек, максатка ирешүдә үҗәтлек, бик яхшы билгеләр, әти-әниләргә – сабырлык, балаларының аларны үз уңышлары һәм җиңүләре белән шатландырып торуларын телибез.