5 декабря наши учащиеся под руководством учителя информатики Хисамовой Э.Н. стали участниками Всероссийской акции "Час кода". 
   

Мәктәптә "Боз өстендә сак бул!" темасына рәсем конкурсы оештырылды. Башлангыч класслар бу чарада бик теләп катнаштылар. 4 класстан Хафизов Айдар, Хисамова Ләйсән, 2нче классстан Хабибуллина Сөмбел һәм Сәйдәш, 3нче класстан Ганиев Данилның эшләре иң яхшылары дип табылды, бәйгенең  район турына җибәрелде.

Бөек Ватан сугышы ветераны, авылдашыбыз Мугинов Салих бабайның бүген туган көне. Хасаншина Р.Г. һәм Хабибуллина Э.Г. җитәкчелегендә мәктәпнең бер төркем укучылары Салих бабайны котларга бардылар. Шигырьләр сөйләделәр, җырладылар, ветеранның  хатирәләрен тыңладылар.

Салих бабайга исәнлек -саулык, тыныч тормыш телибез!

"Су объектларында куркынычсызлык" айлыгы планы буенча бүген мәктәптә Татарстан Республикасының янгынга каршы хезмәтенең Әлмәт отряды "Янгынга каршы" аерым бүлек җитәкчесе Гафиятуллин Р.Р. белән очрашу үткәрелде.

Билгесез Солдат көне уңаеннан  бүген 1-4 сыйныфларда әңгәмәләр, 5-8нче сыйныфларда дискуссияләр үткәрелде. Укучылар Бөек Ватан сугышында хәбәрсез югалган авылдашларыбыз турында тыңладылар, үз нәселләренең сугыш хатирәләре белән уртаклаштылар. Ни өчен бу көннең билгеләнеп үтү тарихы белән таныштылар.

Коррупциягә каршы көрәш атналыгы планы нигезендә  7-9нчы сыйныфлар өчен "Бәхетле яшисең килсә намуслы бул" дип аталган сыйныф сәгатьләре үткәрелде.

Бүгеннән мәктәптә инвалидлар декадасы башланып китте. План буенча "Көчле рухлылыр" тематикасы буенча сыйныф сәгатьләре үткәрелде.

Музей җитәкчесе Хасаншина Р.Г. "Сугыш елларында хатын-кызлар" тематикасы буенча мәктәп музеенда экскурсияләр оештырды.

Бүген мәктәбебездә гаҗәеп матур бәйрәм "Ике йолдыз" проекты булды. Укучылар үзләренең әниләре белән парлы җырлар башкардылар, биеделәр. Педагог-оештыручы Хабибуллина Эльмира белән Искәндәр бәйрәмне күңелле итеп алып бардылар. Бәйрәм ахырында авыл җирлеге җитәкчесе Хабибуллин Артур барлык әниләрне бәйрәм белән котлады, катнашучыларга бүләкләр , дипломнар тапшырды.