Бүген мәктәбебездә халкыбызның бөек шагыйре Габдулла Тукайнын туган көне билгеләп үтелде. Укучылар шагыйрьнең танылган әсәрләрен яттан сөйләделәр.

Билгеле булганча, инде берничә ел дәвамында илдә Бөек Җиңү көне уңаенннан “Үлемсез полк” россиякүләм акциясе уздырыла. Кагыйдә буларак, 9 май көнне уза торган әлеге акциядә Бөек Ватан сугышы елларының ачысын-төчесен татыган, Җиңү көнендә исә шатлык хисләре белән янган, тик кызганычка каршы, инде вафат булган Бөек Ватан сугышы ветераннарының балалалары, оныклары, оныкчыклары катнаша. Алар әби-бабайларының фотоларын күтәреп, әлеге “Үлемсез полк”ка кушыла... Быел Урмышлы авылында “Үлемсез полк” 8 май көнне иртәнге сәгать 09.00 да мәктәп яныннан кузгалачак. Акциядә катнашучылар Үзәк урамы буенча хәрәкәт итеп Обелиск янында тукталачаклар. Хөрмәтле авылдашлар, сезнең һәммәгезне дә “Үлемсез полк” россиякүләм акциясенә актив кушылырга дәшеп калабыз. Безгә җиңү язын алып килгән ветераннарыбызга рәхмәт хисләрен бергәләп чагылдырыйк.