Бәйрәмчә бүген киендем,
Нигә шат минем күңел?
Чөнки, мәктәпкә барамын,
Ул сезгә бакча түгел.

Бүген без бакчабыздагы иң акыллы, тәртипле,тырыш малаебызны мәктәпкә белем алырга озатабыз. Мәктәп тормышында да истәлекле вакыйгаларың күп булсын дигән теләктә калабыз.

Тузганак-кояш, шатлык һәм балачак символы. Ул хәтта ел саен 13 майда билгеләп үтелә торган бәйрәм объектына да әверелде. Тузганак көнен нәкъ бүген бәйрәм итү традициясе ничек барлыкка килгән соң?Тузганаклар көне тарихы тамырлары белән ерак үткәнгә барып тоташа. Риваять буенча, бервакыт яз көне бер кечкенә кыз соры язгы буяулар арасында ачык сары чәчәк күргән. Ул аны әнисенә кояшлы чәчәк белән сөендерү өчен бүләк итәргә булган. Бу гамәл күпләрне рухландырып, тиздән бөтен ил буйлап таралды.Бәйрәм өчен нәкъ 13 май көнен сайлауның да үз мәгънәсе бар. Һәр кешенең дә май ае гадәттәгечә табигатьнең уянуы, тормышның чәчәк атуы һәм яңа сезонның башлануы белән күз алдына килә. Чәчәкләр арасында беренчеләрдән булып барлыкка килгән тузганаклар –  җәй башын һәм җылы көннәр башлануын хәбәр итә.

Бөек Җиңүнең 81 еллыгы уңаеннан бакча балалары да митингта сугышта катнашкан әби-бабаларын искә алып шигырләр сөйләделәр.Бәйрәм рухы балалар күңелендә тирән истәлек булып калсын.

Безгә Җиңү бүләк иткән батырларыбызны хөрмәт итеп, Җиңү бәйрәме алдыннан, бакчабызның тәрәзәләрен бизәдек. Илебезгә тыныч күк йөзе алып килгән һәркемгә чиксез рәхмәтебезне җиткерәбез.

25 нче апрель көнне Урмышлы мәктәбе дә "Татарча диктант" акциясенә кушылды. Габдулла Тукайның "Бәхет" хикәясен яздык һәм күмәк  "Туган тел" не  җырлап  тәмамладык.

25 нче апрель көнне Яр Чаллы шәһәрендә татар телендә республикакүләм  “Ябалак” фән олимпиадасы узды. Бу елны олимпиада Татарстан Республикасы Рәисе Минниханов Рөстәм Нургали улы каршындагы татар телен һәм Татарстан Республикасында яшәүче халыкларның туган телләрен саклау, үстерү мәсьәләләре комиссиясе Дәүләт Советы рәисе урынбасары Марат Әхмәтов,  Татарстан Республикасы Мәгариф һәм фән министрлыгы, Яр Чаллы шәһәре Мәгариф идарәсе ярдәме белән үткәрелде. Бу олимпиадада укучылар берьюлы берничә фәннәр буенча: 3-4 нче сыйныфлар математика, татар теле, әйләнә-тирә дөнья; 6 нчы сыйныфлар татар теле,математика, география, биология, тарих фәннәреннән үз көчләрен сынап карадылар. Олимпиаданың төп үзенчәлеге шунда: фәннәрне яхшы белү генә җитми, аларны татар телендә дә белү шарт.
“Ябалак" олимпиадасында Лениногорск районы Урмышлы мәктәбеннән 4 укучы: 3 нче сыйныф укучысы Хәбибуллин Сәет, 4 нче сыйныф укучысы Мугинов Салават, 6 нчы сыйныф укучылары Минибаев Алмаз һәм Хәбибуллин Сабир катнаштылар. 
Минибаев Алмаз һәм Хәбибуллин Сабир олимпиаданың призерлары булдылар. Укучыларны һәм аларны әзерләгән остазларын зур уңышлары белән чын күңелдән котлыйбыз! 

Бүген В.П.Чкалов исемендәге Шөгер урта гомуми белем бирү мәктәбендә 3 нче сыйныф укучылары арасында “Без – Тукай оныклары!” исеме астында  муниципаль бәйге уздырылды.

  Бәйге Габдулла Тукайның иҗади мирасын өйрәнү аша балаларда татар милли үзбәяләрен, туган телгә мәхәббәт һәм рухи-әхлакый кыйммәтләрне тәрбияләү максатыннан уздырылды.

  Бәйгедә катнашучылар беренче этапта үзләренең “Таныш булыгыз менә...” исеме астында визит карточкасын тәкъдим итттеләр. Икенче этапта “Мин – Тукай оныгы” исеме астында  шигырьләр сөйләделәр.

Өченче этапта “Интеллектуаль бирем (Викторина)”

  Әлеге бәйгенең өч этабын да уңышлы үтеп, 3 нче сыйныф укучысы Хәбибуллина Мәрьям  2  урынга лаек булды. Җитәкчесе –Хабибуллина Рузалия Наил кызын,  Мәрьямне котлыйбыз!

Татар халкы булган җирдә Тукай бар,татар халкы яшәгәндә Тукаебыз да яшәячәк. Безнең балалар бакчасында бөек татар шагыйре Габдулла Тукайның 140 ел тулуга багышланган бәйрәм чарасы узды. Балалар шагыйребезнең әсәрләрен яттан сөйләделәр,"Туган тел"  җырын башкардылар.

В Урмышлинской ООШ учителя, сотрудники, обучающиеся и родители приняли участие в первом этапе Всероссийской акции "Диктант здоровья" - "Здоровая улыбка и чистые руки". Цель акции сделать знания о здоровье доступными и полезными для каждого жителя страны, от школьника до людей старшего поколения.