21нче февраль – Халыкара туган тел көне уңаеннан мәктәбебездә күп кенә чаралар үтте. Татар теле һәм әдәбияты укытучысы Ф.Р.Мәрданова 9а сыйныфы укучылары белән берлектә  “Җыр булырлык сүзләр биргән, Туган телем, рәхмәт сиңа!” исеме астында бик эчтәлекле, кызыклы сыйныфтан тыш чара үткәрде. Чара туган тел турында шигырьләр,мәкальләр,  мәзәкләргә нигезләнгән скетчлар белән үрелеп барды.”Безнең телебез – матур, күркәм тел. Әгәр милләтнең теле кулланылмый башласа, ул юкка чыга. Моның өчен сугыш та, кан кою да кирәкми. Телен бетерсәң, халыкның әдәбияты да, мәдәнияте дә, гореф-гадәтләре дә бетә. Безнең төп бурыч – телебезне саклау”,- дигән сүзләр белән тәмамланды чара.