Үзенең үткәненә һәм тарихына хөрмәт белән караганның гына киләчәге бар. Шәҗәрә  - нәсел агачы, бабаларыңның әллә ничә буынга кадәр исемнәрен, дөньядан китү тәртипләрен белү дигән сүз.  Шәҗәрә  аркылы халык ата - бабаларының дәвамчысы булуына төшенгән. Һәрбер кеше 7 буынга кадәр әтисе, әнисе ягыннан булган бабаларының исемнәрен тәртибе белән белеп калырга тиеш. Шәҗәрәңне, нәсел агачыңны белү, эзләү - барыбызның да изге бурычы.  Бу турыда мәктәбебездә 5-10 сыйныф укучылары өчен бик эчтәлекле лекция узды. Әлеге лекцияне  “Тамырлар” тарихи һәм милли мирасны өйрәнү, саклау һәм үстерү фонды директоры Туйкин Марат Нур улы уздырды. Бу истәлекле очрашуны оештыруда ярдәм иткән милләтпәрвәр якташыбыз Габидуллин Айрат Хәдит улына рәхмәтебезне белдерәбез.