Ямьле яз айлары белән кабат Тукай кайтты. Апрель ае җитү белән бар төбәкләрдә шигырь бәйрәмнәре, Тукай көннәре уза. Ул иҗат иткән сихри әсәрләр менә инде күпме еллар халкыбыз күңелендә бер моң булып яши.Быел бөек шагыйребез Габдулла Тукайның тууына 131 ел тулды.Аның әкиятләре, шигырьләре балаларны хезмәтне, илебезне яратырга өнди. Ана телен яхшы белгән, аңа хөрмәте булган сабый беркайчан үз телен онытмый.

Мәктәбебездә  башлангыч сыйныф укучылары өчен  зур бәйрәм бүген. Хәсәнова Л.К. җитәкчелегендә 3а сыйныфы укучылары “Без – Тукай оныклары” дип аталган җырлы-театраль тамаша  оештырды. Чарада башлангычлар Г. Тукай әсәрләрен бик оста сәхнәләштерделәр, шигырьләрен сөйләделәр,аның сүзләренә язылган җырларын җырладылар.

Шигъриятле Тукай көне быел да әнә шулай ихласлыкта, матурлыкта узды. Һәм ул татар гимнына әверелгән “Туган тел” җыры белән тәмамланды.