24 апрель көнне белем йортыбызда Г.Тукайның иҗатына һәм тормыш юлына багышланган “ Шигъри дөнья – үзе  апрель” дип аталган шаяннар һәм тапкырлар клубы  кичәсе үткәрелде. Кичә “Уйлап тап, иҗат ит, һәрбер эштә ян!Сөекле Тукайдан һәрчак үрнәк ал!” эпиграфы белән үтте. Кичәгә җыелган укучылар  “Таз”( 5а сыйныф укучылары ) һәм “Су анасы”(6а сыйныф укучылары)  командаларына  бүленде.Беренче  биремдә ике командага да Тукай иҗаты буенча сораулар бирелде,икенче бирем  бөек шагыйребез  әсәрләре буенча рәсем бәйгесе  булды.Капитаннар ярышында да укучылар үзләренең  ныклы белемнәрен күрсәттеләр. “Тукай иҗатын беләсезме?” биремендә командаларга шагыйрьнең төрле әсәрләреннән өзекләр укылды. “Шагыйрьгә ияреп, туган авыл турында язам”  дип аталган биремдә командалар иҗади эш башкардылар. Кичә “Туган тел” җыры белән тәмамланды. Жюри нәтиҗәләре буенча, ике команда да 43 балл җыеп, җиңүче  итеп билгеләнде. Чара бик эчтәлекле, бай мәгълүматлы булды, концерт  номерлары белән үрелеп  барды. (Җаваплы: Солтанова Р.Р.- татар теле һәм әдәбияты укытучысы).