“Татарстан Республикасының тарихи-мәдәни мирасы елы” кысаларында Диния нәзарәте аның бер өлешен тәшкил итәрәк һәм Россиядә Коръәннең беренче нәшер ителүенә 225 ел тулу уңаеннан Коръән елы дип игълан ителде. Шул уңайдан  татар теле атналыгында Насыбуллина Р.Ф. һәм Мәрданова Ф.Р.  “Коръән – безнең изге китабыбыз” исеме астында әдәби кичә уздырырга булдылар. Бу кичә 2 май көнне  сәгать 12дә башланып китте.  Кичә бик җылы мөнәсәбәттә узды. Кичәдә укучылар  Коръән аятләрен укыдылар, тәрҗемәләрен аңлаттылар, бөек язучыларыбыз, мәгърифәтчеләребез, галимнәребез (Г.Тукай, Г. Утыз Имәни, Р. Фәхреддин һ.б.) иҗатында Коръәннең роле турында сөйләделәр, шигыръләр укыдылар. Шулай ук укучыларыбыз халыбызның  бөек каһарманы, ислам дине, азатлык өчен көрәшкә халкыбызны күтәргән, батырларча үлем кабул иткән мулла Батыршаны искә алдылар, чөнки 2012 елның 24 июнендә аның үлеменә 250 ел тула. Кичәгә килгән Рәхимева Галия апа да Коръән турында, дин турында бик кызыклы мәгълүмат әйтеп үтте. Кичәне тәмамлап, мәктәп җитәкчесе Хәлил Хуҗа улы Шәрипов  сүз алды һәм мондый кичәләрнең дәвамы булачагына ышаныч белдереп, кичәгә йомгак ясады.