Туган тел  - ул халкыбызның үткәне белән киләчәге арасындагы бәйләнеш. Ул кешегә балачактан ук барлык дөньяны танып белергә ярдәм итә. ”Тел язмышы – милләт язмышы”- дип юкка гына әйтмиләр. Әгәр милләтнең теле кулланылмаса, ул юкка чыга. Тел онытылса, аның әдәбияты да, мәдәнияте дә югала.

    Шуңа бәйле рәвештә, мәктәбебездә  22 нче апрелдән 27 сенә кадәр Туган тел атналыгы игълан ителде. Туган тел атналыгы  кысаларында  төрле чаралар үткәрү планлаштырылган. 22  нче апрель көнне әлеге атналыкны ачу тантанасы һәм татар халкының бөек шагыйре Габдулла Тукай шигырьләрен уку кичәсе уздырылды. Шулай ук,  тамашачыга  әдипнең сәхнәләштерелгән әсәрләре  дә тәкъдим  ителде. Укучылар әлеге чарада бик теләп катнаштылар.