21 нче февраль бөтен дөнья халкы “Халыкара туган тел “ көнен билгеләп  үтә.  Сабый бала тугач та, беренче ана телен ишетә.Шуңа күрә халкыбыз туган тел турында “Иң татлы тел – туган тел , анам сөйләп торган тел”, - дип әйткән дә.

    Әлеге бәйрәм уңаеннан мәктәбебездә төрле чаралар үткәрелде. Татар төркеменең 3 нче сыйныф укучылары халкыбызның “Кунаклар” әкиятен сәхнәләштерделәр. Халыкның  күптөрле милли ашлары белән танышып, пешерү рецептлары белән уртаклаштылар һәм  кунакта  үзләрен әдәпле тоту кагыйдәләрен искә төшерделәр. Ә 4 нче сыйныфның  рус төркемендә укучы балалар татар әдипләренең әсәрләрен укып,  эчтәлекле рәсемнәр иҗат иттеләр һәм “Әкият геройларын битлекләре буенча таныгыз” бәйгесендә актив катнаштылар.

       Туган – үскән ил – җирнең якынлыгын, Ватанның газизлеген без туган тел ярдәмендә генә тоябыз. Шуңа күрә  туган телебезнең сафлыгын, матурлыгын саклап киләчәк буынга тапшыру - безнең изге бурычыбыз.