“Театр — яктылыкка, нурга илтә, кире юлга җибәрми, уңга илтә...” -  дип язып калдырган бөек шагыйребез Г.Тукай.  

    Бүгенге көндә үсеп килүче яшь буынны халкыбызның традицияләре үрнәгендә тәрбияләү - мөһим бурычларның берсе. Ә балаларга белем һәм тәрбия бирү иң авыр һәм четерекле эш. Балага милли гореф-гадәтләр, традицияләр никадәр иртәрәк бирелсә, ул шәхес буларак  шулкадәр көчле, телен, илен, милләтен сөя белүче булып үсәчәк. Дөрес, кечкенә чактан ук театр белән шөгыльләнгән һәр бала да артист була дигән сүз түгел. Тик сабый чакта күңел түренә салып куелган бу “орлыклар” балага киләчәктә зур ярдәм итәргә, матурлыкны аңлый белергә, мәрхәмәтле бала булып үсәргә булыша.

   20 нче апрель көнне 11нче гимназиядә Республика балалар һәм яшьләр театры фестиваленең районкүләм этабы уздырылды. Әлеге бәйгедә районыбыз мәктәпләреннән килгән коллективлар көч сынашты. Мәктәбебезнең “Театр – минем дөньям” түгәрәге укучылары “Аулак өй кичәсе” н сәхнәдә күрсәтеп призлы урынга лаек булдылар.