Фәнни эшчәнлек

Ризаэддин Фәхреддин  исемен атауга ук мәгърифәтче, галим, педагог...дип тезеп китә алабыз. Әйе, әлеге шәхес татар дөньлыгына зур әдәби, тәрбияви мирас калдырып киткән олуг зат. Аның иҗади мирасы игътибарга лаек. Р.Фәхреддиннең мирасын белгечләр генә түгел, укытучылар, укучылар, ата-аналар да өйрәнергә тиеш.

Инде ничәнче ел рәттән Татарстан Республикасының  Мәгариф һәм Фән Министырлыгы белән берлектә  Әлмәт дәүләт муниципаль хезмәт бирү институты үзенең стеналарына Р.Фәхреддин иҗаты белән фәнни кызыксынучы укучы, студент һәм мөгаллимнәрне җыя.  Институт тарафыннан быел уздырылган  бөтенроссия фәнни-гамәли конференция Ризаэддин Фәхреддиннең тууына 155ел тулуга багышланган иде. Башка еллардан аермалы буларак, конференциянең темасы киңәйтелеп “Ризаэддин Фәхреддин һәм татар мәгърифәтчелеге” дип аталган.

Мондый чарадан татар        мәгърифәтчелеге белән кызыксынган бер генә татар теле укытучысы да читтә калмыйдыр. Инде традициягә кертелгән гадәт буенча мәктәбебезнең татар теле һәм әдәбияты укытучылары да коллегалары белән фәнни эшчәнлекләрен уртаклаштылар. Закирова Г.М. “Ризаэддин Фәхреддин  мирасын куллану үзенчәлекләре”, Фәррахова Д.Р. “Мәдәнилек һәм әхлаклылык тәрбияләүдә Габдрәхим Утыз-Имәни әсәрләренең урыны” темаларына чыгышлар ясадылар. Конференциянең йомгаклау өлешендә барлык катнашучыларга сертификатлар һәм конференция материаллары тупланган җыентыклар тапшырдылар.