29нчы гыйнвар көнне шәһәребезнең 3нче урта мәктәбендә Муса Җәлилнең тууына 110 ел тулуга багышланган зонакүләм театр фестивале узды. Чарада безнең районның, Ютазы һәм Чистай районнарының мәктәп укучылары бөек шагыйребезнең шигырьләрен сәхнәләштерде. Жюри әгъзалары укучыларның әзерлек дәрәҗәсен югары бәяләде. Бигрәк тә 7мәктәп укучысы Хөснуллина Гөлшат, 12 мәктәп укучысы Габидуллин Русланның чыгышлары күпләрне таң калдырды. Жюри әгъзасы итеп чакырылган мәдәният йорты каршында оештырылган балалар үзешчән театр коллективы җитәкчесе Билалетдинова Регина Наил кызы кичә ахырында һәрбер мәктәп театр коллективының уңышлы якларын, кимчелекләрен күрсәтеп, аларны төзәтү өстендә ничек эшләргә кирәклеге турында укучыларга да, укытучыларга да киңәшләрен бирде.Катнашучылар бик канәгать калды.