4 нче декабрь көнне шәһәребезнең 3нче мәктәбендә “Әкият” татар дәүләт курчак театрының юбилеена багышланган театр фестивале булып узды. Анда 2,3,4,5,6,7,10,13 мәктәпләрнең, 11 гимназия һәм 12 лицейның театр төркемнәре чыгыш ясады.Фестивальгә кунак булып, 2 санлы балалар бакчасыннан нәниләр дә килгән иде. Аларның татар һәм рус телләрендәге матур чыгышлары, җыр һәм биюләре барлык катнашучыларның да күңеленә хуш килде. 3нче мәктәп укучылары үзләренең моңлы җырлары, оста итеп флейтада, баянда уйнаулары белән бәйрәмне тагы да бизәде. Жюри әгъзалары катнашучыларның яхшы әзерлеген бәяләде. Кичә күтәренке рухта бик күңелле узды. Бөйрәмне оештыруга үзләреннән зур өлеш керткән мәктәп директоры Точилина Вера Анатольевнага, укытучылар коллективына зур рәхмәтебезне белдерәбез.