24 нче февраль көнне 7 нче урта гомуми белем бирү мәктәбендә Әмирхан Еникинең юбилее уңаеннан “Әмирхан Еники – күңел карурманының тургае” исемендәге зональ фәнни-гамәли конференциябулып узды. Төрле шәhәр hәм район мәктәпләреннән килгән татар теле һәм әдәбияты укытучыларыүзләренең эш тәҗрибәләрен уртаклаштылар.
Конференция түбәндәге секцияләргә бүленеп үткәрелде:
1. Ә.Еники иҗатында туган туфрак, тел, милләт темалары чагылышы.
2. Ә.Еники әсәрләрендә тел сурәтләү чаралары, стиль үзенчәлекләре.
3. Укыту-тәрбия-процессында, мәгълүмати белем чыганакларына таянып, Ә.Еники иҗатын файдалану.
4. Ә.Еники әсәрләрендә рухи байлык проблемасы.
Конференция бәйрәмчә бизәлгән актлар залында укучыларның сәламләү чыгышы белән башланды.
Ә.Еники чын мәгънәсендәге татар әдәбиятының горурлыгы. Язучының әсәрләрендә шатлыклы мизгелләр дә, кайгы-сагыш бураннары да, йөрәктә кайнаган ут-ялкын да урын таба. Үз иҗатына иң җаваплы караган, үз туган теленә иң мәхәббәтле язучы. Ул үзенең көчен, сүзнең моңын, аһәңен, дәртен һәм җылысын башкаларга караганда ныграк тоя. Ә.Еники - кеше күңелен дәвалаучы язучы, тел остасы. Аны укыган саен, туган телебезнең бөеклегенә яңадан бер тапкыр ышанасың.
Әмирхан ага Еникинең әсәрләре кешеләргә яхшылык эшләргә, игътибарлы һәм ихтирамлы булырга өйрәтә.Күп еллар элек язылып, хәзерге көндә дә актуальлеген, әһәмиятен югалтмаган бу әсәрләре мәңгелек булып калыр дип ышанабыз.
Конференцияне чакырылган кунакларыбыз Г.Тукай исемендәге үзәк китапханәнең милли әдәбият бүлеге мөдире Мифтахова Розалия Шамил кызы, мәгълүмати-методик үзәк белгече Рамазанова Ландыш Гаяз кызы тәмамлады. Һәрбер чыгыш ясаучыга бәя биреп, үзләренең фикерләрен белдерделәр.