“Төбәк компоненты кулланып, татар теле hәм әдәбияты укытуның нәтиҗәлеген күтәрү”, “Чишмә”иҗат берләшмәсенең 55еллык  юбилеена багышланган  тема  буенча 18 нче март көнне 4 нче мәктәптә республикакүләм фәнни- гамәли  конференция үткәрелде.

Конференциягә филология фәннәре докторы, профессор, Чаллы дәүләт педагогия институтының татар әдәбияты һәм аны укыту методикасы кафедрасы мөдире, Татарстан Язучылар берлеге әгъзасы, галим  Әнвәр Шәрипов , Россия Гуманитар фәннәр академиясенең шәрәфле академигы Рәсим Хәбибуллин, Рәшит Шиһап исемендәге театрның  алыштыргысыз җитәкчесе Мәдинә Сафиуллина, Ш.Бикчурин исемендәге премия лауреаты шагыйрь Татарстан Республикасы язучылар берлеге әгъзасы Таһир Шәмсуаров,тарихчы Наил Гилметдинов, Ш.Бикчурин исемендәге премия лауреаты рәссам Мөдәрис Минһаҗев, Алабуга, Әлмәт, Чирмешән, Бөгелмә Лениногорск районы  татар теле һәм әдәбияты укытучылары , укучылар чакырылды. Конференциядә галимнәрнең, укытучыларның , кунакларның чыгышларын бик яратып тыңладылар, сораулар бирделәр, фикер алыштылар.