21 февраль — Халыкара туган тел көне. Ул бөтен дөньяда билгеләп үтелә һәм һәр милләт бу көнне үз теленә карата хөрмәтен белдерә.Телебезне саклау һәм үстерү максатыннан, Шөгер «Тургай» балалар бакчасында 20 февраль көнне «Мин татарча сөйләшәм!» дип аталган бәйрәм кичәсе оештырылды. Бу көнне балалар татар халкының гореф-гадәтләрен, кием-салымнарын, милли ашамлыкларын тагын бер тапкыр искә төшерделәр. Татар телендәге белемнәрен тапкырлыкта һәм зирәклектә сынадылар. Балалар «Челтәр элдем читәнгә», «Капкалы» кебек җырлы-биюле уеннарны башкардылар. «Түбәтәй», «Читек», «Капчык» уеннарында актив катнаштылар. Шулай ук татар халык ашларыннан бай өстәл әзерләп, коймаклар белән  сыйландылар. Чара җыр-биюләр һәм күңелле уеннар белән үрелеп барды.