Сабантуй татар халкының иң яраткан бәйрәме дисәк тә була.Буген,16 нче июнь көнне Шөгер авылы  "Тургай" балалар бакчасында да милли бәйрәмебез сабантуйы  гөрләп узды. Нәниләр төрле уеннар уйнап, җырлап-биеп бәйрәм иттеләр. Халкыбызның гореф-гадәтләрен чагылдырган Сабантуй бәйрәменең балалар өчен әһәмияте бик зур.Бәйрәмдә борынгыдан калган  уеннар уйнатылды: кашыкка йомырка салып йөгерү, чүлмәк вату, аркан тарту, су ташу, капчык киеп йөгерү хәтта ат чабышыуены да уйнатылды. Барлык уеннарда да балалар теләп,җилкенеп-җилкенеп катнаштылар, үз-үзләрен кыю тоттылар һәм Сабантуй бәйрәменнән бик канәгать калдылар. Бәйрәм ахырында һәммәсенә дә бүләкләр таратылды.