22 февраль көнне "Сау бул, Әлифба" бәйрәме булып үтте. 1 сыйныф укучылары матур шигырьләр сөйләделәр, җырлап - биеп күңел ачтылар, мәсьәләләр чиштеләр. Шүрәлеләргә ярдәм иттеләр.  Балаларын котларга килгән әти - әниләр аларга карап шатланып утырды. 

Бүген Казан кооператив институтыннан профориентация буенча кунаклар килгән иде. Алар укучыларны кызыксындырган сорауларга җавап бирделәр.

И туган тел, и матур тел, әткәм-әнкәмнең теле!

Дөньяда күп нәрсә белдем син туган тел аркылы.

Һәркем өчен дөньядагы барлык телләр арасында иң кадерлесе- тәүге кабат сөйләшә башлаган ана теле. Бу — безнең балачагыбыз, гаиләбез, җәмгыятьтәге беренче тапкыр аралашуыбыз теле. Халыкара туган тел көнендә барлык телләр дә тигез дип таныла, чөнки аларның һәркайсы кеше язмышы өчен җавап бирә, һәркайсы табигый мирас булып тора һәм без аны, һичшиксез, сакларга тиешбез.

Туган телгә-ана телебезгә мәхәббәт тәрбияләү, туган телнең матурлыгын тоярга өйрәтү максатыннан чыгып башлангычларның 2-4 сыйныфлары арасында интеллектуаль бәйге үтте. Укучылар “Әкият” һәм “Табышмак” командаларына бүленеп көч сынаштылар. Һәр укучы бәйгедә җаваплылык хисе тоеп, зур кызыксыну белән теләп катнашты. Жюри  әгъзалары гадел хөкем йөретеп бәйгенең җиңүчесен билгеләделәр. Бәйге күңелле узды.

Февраль ае  кыюлык, физик яктан хәзерлекне тикшерү, көч сынашу ае буларак үтә.  Мәктәптә кечкенә сыйныф укучылары шашка гына түгел, шахматны да яратып өйрәнәләр, ярышларда актив катнашалар.  Буген башлангыч сыйныфларда ачык ишекләр көне үтте. Дәресләр гадәти  генә түгел, шахмат белән бәйле элементлар кулланып уздырылды. Үткәрелгән дәресләрдән күренгәнчә, укучыларның шахмат уйнау серләренә бик  кызыксынып  өйрәнүләре  сизелеп торды. Укытучылар дәресләрнең һәр этабын уйлап, укучыны кызыксындырырлык итеп төзегэн. Соңыннан укучылар арасында шахмат турниры үтте.

1 һәм 3 сыйныфта татар теле дәресеннән ачык дәрес үтте. 1 сыйныфлар ь хәрефен, 3 сыйныф укучылары алмашлык темасын өйрәнүне шахмат элементлары белән бәйләп,  төрле күнегүләр башкардылар.

Бүген, 2 сыйныфта, шахмат элементлары кулланып, математика фәненнән ачык дәрес күрсәтелде.

4 нче сыйныф укучылары татар теле дәресендә  "Сан" темасын үзләштергәндә шахмат уйнау элементларын да  кулланып булын күрсәтте. Ачык дәрескә килүче ата-аналар һәм укытучылар  дәрестән канәгать калдылар.

Сегодня учитель русского языка и литературы провела открытый урок по русскому языку в 6 классе на тему "Разряды количественных числительных". Учащиеся активно работали на уроке, усвоили новый материал. Присутствующие гости тоже остались довольны уроком.

Муса Җәлилгә багышланган чаралар дәвам итә. Бүген укучылар викторина сорауларына җавап бирделәр. Китаплар күргәзмәсе белән таныштылар. Китапханәче Гөлчирә Байрак кызы герой шагыйрь турында видеофильм курсәтте.

16 февраль көнне егетләр һәм кызлар командасы волейбол ярышында катнаштылар.