5 нче сыйныф укучылары Татарстанның күренекле шәһәрләре турында чыгыш ясадылар. Казан, Әлмәт, Лениногорск, Зәй, Алабуга шәһәрләренең истәлекле урыннары, тарихы турында кызыклы чара үтте.

Туган тел көне кысаларында чаралар үткәрү дәвам итә. Бүген 2, 4 нче сыйныф укучылары Татарстан символлары булган герб, флаг, гимн турында сөйләделәр.

8 февраль көнне укучыларыбыз "Россия чангы юлы" массакүләм- спорт чарасында катнаштылар.

Мәктәбебезнең узган кышкы сезонда ГТО тапшыруда катнашкан укучыларга һәм укытучыларга таныклык белән значоклар тапшырылды

Бүген Түбән Чыршылы төп гомуми белем бирү мәктәбендә Риза Фәхреддин укуларына багышланган төбәкара  фәнни-гамәли конференция булып узды. Конференция ике өлештән торды. Мәктәп укучыларының эчтәлекле сәламеннэн соң, килгән кунаклар сүз алды. Казан кунагы тарих фәннәре докторы, профессор Таһиров Индус Ризак улы Чыршылы белән бәйле хатирәләре турында сөйләде. Бөек галим турында  сөйләп, анын мирасын яшь буынга җиткерүдә укытучыларга уңышлар теләде, рәхмәт сүзләре җиткерде. Лениногорск мәгариф бүлеге җитәкчесе Санатуллин Вагиз Самиулла улы да галим хезмәтләренең һәр яклап зур әһәмияткә ия икәнен ассызыклады. Конференциягә чакырылган һәр кунак (Кичүчат авылы  Риза Фәхреддин мемориаль музее  җитәкчесе Гимранова Диләрә Габделкави кызы, туган якны өйрәнүче, “Чәшелем-асыл илем”, “Ай нурында нәсел сукмагы”  китаплар авторы Ямаева Әлфия Фәрит кызы, Лениногорск шәһәренең Почётлы гражданины, танылган язучы Җәмит Рәхимовның тормыш иптәше, ветеран укытучы Рахимова Галия Мәгъсүм кызы,  РФ  “Почетлы хезмәткәре” ,  РФ Президент премиясе лауреаты,  мәктәбебезнең Риза Фәхреддин музеена нигез салучы ветеран укытучы Сафина Рузалия Солтан кызы, ветеран укытучы, Каюм Насыйри исемендәге премия лауреаты Ямалтдинова Сөгъдә Таһир кызы) Риза Фәхреддин турында, аның  бөеклеген күрсәткән фикерләр белән уртаклашты. Икенче өлеш практик юнәлештә үтте. 2 нче турга үткән укытучылар Риза Фәхреддин хезмәтләрен куллану, төбәк язучыларынын эшләрен дәресләрдә кулланулары турында чыгышлар ясадылар. Соныннан чыгыш ясаучы укытучыларның эшләренә нәтиҗэ ясап, мәгариф идарәсе методисты Фатыхова Римма Ринат кызы дипломнар тапшырды. Кунаклар мәктәп музеенда чыгыш ясаучы экскурсовод укучыларны да яратып тынладылар. Укучылар  галимнең 20 ел  авыл мәдрәсәсендә узган чоры турында кызыклы итеп сөйләделәр. Галимнең чиксез бай мирасы буыннан - буынга тапшырылып, күркәм эшләр аша тормышка ирешсен иде дигән теләктә конференция үзенең эшен тәмамлады.

3 сыйныф укучылары мәшһүр галим Р. Фәхреддин әдәпләрен өйрәнделәр. Кластер төзеп, аны сөйләп күрсәттеләр.

25 нче гыйнвар көнне  укучыларыбыз Лениногорск шәһәрендә бадминтон уены буенча турнирда катнаштылар. 1-4 сыйныф укучылары арасында укучыбыз 3 нче урынны яулады. Афәрин! 

Бүген Татарстан яшьләре чыга башлауга 100 ел. Шул уңайдан китапханәче Фазлырахманова Рәмзия  укучыларны газета белән таныштырды, кызыклы рубрикаларын атады, редакция хезмәткәрләре турында мәгьлуүмат бирде. Кайбер укучылар гаиләсе Татарстан газетасын оцгэ алдыруларын, әниләренең язмаларын көтеп алуын әйттеләр. 100 еллык тарихы булган газета озын гомерле булсын.

 9 сыйныф укучылары, 20 гыйнвар көнне 32 политехнический колледжга экскурсиягә бардылар. Бик күп һөнәрләр турында белеп кайттылар. Укучыларга пешекче, эретеп ябыштыручы һәм автомеханик һөнәрләре ошады.

Яңача стиль буенча дин галиме, укытучы, мәгьрифәтче Риза Фәхреддин туган көнен билгеләп үттек. Укучылар галимнең  яшәеш өчен кирәк булган нәсыйхәтләрен житкерделәр. Китапханәче Гөлчирэ Байраковна фильм күрсәтте, Риза Фәхреддин хезмәтлэреннән китап күргәзмэәсе тәкьдим итте.