Бу көннәрдә “Шәфкатьлелек атналыгы” кысаларында мәктәбебездә “Сугыш чоры балалары” исеме астында очрашу үткәрелде. Очрашуга, озак еллар мәктәбебезне  җитәкләгән, хәзер авылыбызның мөхтәрәм кешесе-Тахаутдинов Шамил Гани улы чакырылды.  

    Сугыш башланганда Шамил абыйга нибары 4 яшь була. Шуннан бирле ул һаман әтисен көтеп яши.Ул сугыш дигән ачы хәсрәтнең фаҗигасен туганнан ук тоеп, үз күзләре белән, ачлык яланганчлыкның ни икәнен татып үскән кеше.

   Очрашу барышында  Шамил абый  сугыш елларында халыкның  нәрсә белән тукланганны,  баларның мәктәптә ничек укыганны, ничек көн күргәнне тасвирлап  сөйләде. Балалар кызыксынып, сораулар яудырдылар.

   Сугыш беткәнгә 70 ел узып бара, әмма аның сагышы Шамил абыйның күзләрендә,күзяшьләре булып һаман ялтрый.

      Сынаган аны бу дөнья! Сынаган, ә бит сындырмаган...