1 сентябрь иртәсендә Яңа Иштирәк мәктәбе ишегалдында мең төрле чәчәк бәйләмнәреннән һәм балаларның шатлыклы тавышларыннан җанланды. Сагынулы җәй айларыннан соң, мәктәп кабат үзенең яраткан балаларын — укучыларын каршы алды. Йөзләрдәге елмаюлар, күзләрдәге очкыннар бу көннең чын бәйрәм икәнлеген раслады.
Быелгы Белем бәйрәме аеруча дулкынландыргыч һәм тантаналы үтте. Чараның иң зур бизәге, һичшиксез, мәктәп бусагасын беренче тапкыр атлап керүче нәни беренче сыйныф укучыларыбулды. Алар зур соклану һәм зур дулкынлану белән үзләренең тәүге мөгаллимнәре җитәкчелегендә сыйныфларына аяк бастылар. Кулларына зур чәчәк бәйләмнәре тоткан кечкенә укучылар мәктәпкә зур өметләр белән килде.
Тантанада укытучыларның, ата-аналарның һәм килгән кунакларның ихлас котлау сүзләре яңгырады. Алар балаларга:
Тырышып укуларын;
Фән дөньясында яңа үрләр яулауларын;
Тирән һәм ныклы белем алуларын теләделәр.
Бәйрәмнең иң көтелгән һәм дулкынландыргыч мизгеле — беренче кыңгырау тавышы булды. Аның көмеш гөжләве яңа уку елының башлануын белдереп, укучыларны якты һәм матур сыйныф бүлмәләренә, яңа белем үрләренә чакырды. Яңа Иштирәк мәктәбендә уку елы зур якты өметләр һәм кайнар теләкләр белән башланып китте. Аның һәр көне шундый ук җылы һәм уңышлы булсын!