Гражданлык һәм патриотик тәрбия бирү айлыгының кульминацион өлеше - ул, әлбәттә, Аҗаган! Аҗаганның да иң көтеп алынган уен төре - байрак эзләү. Иң кызыгы шунда: ул мәктәп территориясендә генә яшеренгән булган. Ә "шпион" әзерләгән табышмакларга җавап тапканчы, авылны шактый урарга туры килде яшь хәрбиләргә. Шулай ук бу көндә кул көрәше, аркан тартышу, спорт биюләре ярышы, хәрби-патриотик җырлар конкурсы һ.б. да узды.