Илебез буенча октябрь ае башында Өлкәннәр көне уздырыла. Өлкән кешеләр - безнең әти-әниләребез, әби-бабайларыбыз. Алар бик күп авырлыклар күргән, дөньяның ачысын-төчесен татыган кешеләр.Яшьләре сиксәнгә җитсә дә, илледә генә булса да, өлкәннәр - безнең өчен изгелек чыганагы. Аларны без Өлкәннәр көнендә генә түгел һәрдаим хөрмәт итәргә тиешбез.

        Бүген безнең мәктәпкә дә кадерле әби-бабайларыбыз чакырулы. Укучылар аларга багышлап дәртле җыр-биюләрен, үз куллары белән ясап, бүләкләр дә әзерләп куйдылар.

       Йөрәкләрдән чыккан назлы сүзләр,

       Күңелләрдә булган саф хисләр,

       Озын гомер, шатлык, ак бәхетләр - 

       Безнең сезгә әйтер теләкләр.

       Күңелегезгә җыйган яхшылыклар

        Изгелекләр булып кайтсыннар.

        Туар таңнар алып килсен сезгә

          Сәламәтлек, бәхет, шатлыклар!