Татарстанда ел саен уздырыла торган "Парламент дәресе" белем бирү акциясе бишенче тапкыр безнең мәктәптә дә старт алды. Илдәге сәясәт, аның тормыш дәрәҗәсе һәрбер кеше өчен әһәмиятле. Дәресебез дәүләт символларына багышланды.  Герб, Флаг һәм Гимн - һәр дәүләтнең аерылгысыз атрибутлары, аның рухи потенциалының мөһим өлеше. Дәресебезгә кунак булып Куакбаш авыл җирлегеннән Әхмәтҗанова Рушания Рафик кызы һәм депутат Сабирҗанов Алмаз Әбүзәр улы чакырылган иде. Дәрес эчтәлекле узды. Укучылар тарафыннан сөйләнелгән шигырьләр патриотизмга, Ватанны яратырга, бердәмлеккә өндәде.