Дөрес туклану көндәлек тормышның аерылгысыз өлеше булып, һәрбер кешенең физиологик, психик һәм иҗтимагый сәламәтлеген тәэмин итергә тиеш. Сыйфатлы туклану дигәндә, без зарарсыз продуктларны балансланган диета белән куллануны күз алдында тотабыз. Шуның нәтиҗәсендә безнең организм туклыклы матдәләргә булган иңтыяҗын тулысынча канәгатьләндерә.

    Белем бирү учреждениеләрендә сәламәт туклану мәсьәләсен беренче планда карау зарур, чөнки нәкъ менә сыйфатлы туклану гына балаларның гомуми сәламәтлеген ныгыта, укуга кызыксынуларын, мөмкинлекләрен арттыра. Тикшеренүләр күрсәткәнчә, дөрес тукланган балаларның IQ тесты нәтиҗәләре дә күпкә югары. Икенче бер төп тикшеренүләр раславынча, күп кенә хроник авыруларның беренче билгеләре инде яшүсмер чакта ук ачыклана. Димәк, балалар рациональ туклану кагыйдәләреннән яшьтән үк хәбәрдар булсалар, сәламәтлекләренә тиешле игътибар күрсәтерләр иде.

     Сәламәт туклануның төп принциплары:

     - ризыкны төрләндерү;

     - көненә кимендә 3-4 тапкыр туклану;

     - чама хисен онытмау;

     - кичке ашны 19.00 яки 20.00 сәгатьтән дә соңга калдырмау;

     - ризыкларны кулинар яктан дөрес эшкәртү.

     Яшәешнең төп кыйммәте - сәламәтлек, ә сәамәтлекнең төп факторларыннан берсе дөрес туклану икәнен онытмыйк!