Әлифба бәйрәме - һәр укучы гомерендә бер генә тапкыр була торган иң күркәм бәйрәмнәрнең берсе.   Мәктәбебездә белем алучы җиде бөртек беренче класс укучылары да, аларның әти-әниләре дә, яраткан класс җитәкчеләре Ганиева Фирүзә Нәиф кызы да  әлеге бәйрәмне зур түземсезлек белән көтеп алдылар. Әлифба белән саубуллашу кичәсе шаулап-гөрләп узып та китте. Укучылар белем иленә  уңышлы сәяхәт ясауларын, күп һөнәрләргә өйрәнүләрен исбатладылар. Әти-әниләр дә читтә калмады, аларның да Әлифба битләрендәге шигырьләрне  бик яхшы белүләре ачыкланды. Әти -әниләр һәм мәктәп дирекциясе, балаларны бәйрәмнәре белән котлап, изге теләкләрен җиткерделәр, бүләкләр тапшырдылар. Бәйрәм чәй өстәле артында дәвам итте.