12декабрь көнне шәһәребезнең 11 нче гимназиясендә Лениногорск муниципаль районының мәктәп директорлары өчен “Инновацион эшчәнлек – укучыларның  иҗади сәләтләрен үстерүдә иң мөһим фактор”темасына  семинар-киңәшмә үткәрелде. Әлеге семинарда яңа педагогик һәм информацион технологияләр кулланып ачык дәресләр, тәрбия сәгатьләре, мастер-класслар үткәрелде.

Ачык  дәресләрне   югары квалификацион категорияле укытучылар Зөбәирова Ә.У.  7А классында,             Әбүләизова Ф.Ш.  3А классында, Галиуллина Ф.Х.  10 класста, Шәрифуллина Г.Т.  9 класста бирделәр.

Аннан соң тәрбия сәгатьләре үткәрелде. Аларны сыйныф җитәкчеләре түбәндәге темаларга уздырдылар:

Хөснетдинова Ф.Ф.  11 нче сыйныфта - Батырлык дәресе      

Хәсәншина Р.С. 5а сыйныфында - “Мин һәм без”

Вагыйзова М.Г. 2А сыйныфында - “Дус яшәү серләре”

Закирова З.М. 6А сыйныфында - “Каһарман якташларым”

Минязова Ф.А., Сәмигулина В.М., Алексеева И.К. мастер-класс үткәрделәр. Алар ФБДС кысаларында башлангыч мәктәптә проект-эзләнү эшчәнлеген оештыру, фәнни-тикшеренү эшенә тема сайлау һәм аны яклау, аның проблемалары һәм актуаьлеге темаларына үз тәҗрибәләрен уртаклаштылар, башкаларны да өйрәттеләр. Солтанова Х.Х.мастер-класста канзашидан тылсымлы бизәкләр ясау осталыгына өйрәтте.          

Семинар “Туган телем җырларыма күчә, хисләремдә яши сакланып” дигән әдәби – музыкаль  кичә белән тәмамланды.   Укучыларны өстәмә белем бирү педагоглары  Әхмәтшина Ф.З., Шәрапова З.Л., Мотыгуллина А.Г. әзерләделәр.

Семинар- киңәшмә эшлекле һәм файдалы булды.