Халкыбызның иң популяр, иң күңелле язгы бәйрәмнәренең берсе - һичшиксез, карга боткасы.  Борын-борын заманда кешеләр нилектән яз булганын белмәгәннәр. Алар ямьле язны җылы яктан кара каргалар алып килә икән, дип уйлаганнар. Шуның өчен карлар эреп сулар ага башлагач, гөрләвекләргә таба, яңаруга-яшәрүгә йөз боргач, каргалар килү хөрмәтенә бәйрәм ясый торган булганнар. Аны “Карга боткасы” дип атаганнар. Бүген безнең бакча балалары да “Карга боткасы” үткәрергә җыелдылар. Төркемнән- төркемгә йомырка, күчтәнәчләр җыеп, бәйрәмгә чакырып йөрделәр. Бәйрәм барышында җырлы- биюле уеннар уйнадылар, мәкалләр әйтештеләр, татар халык уены, “Тәбәтәй”, “Йөзек салыш” уены да читтә калмады. Бәйрәм ахырында тәмле ботка белән сыйландылар. Бәйрәм иртәсен уртанчылар төркеме балалары һәм тәрбиячеләре Миндиярова Галия Рафаэл кызы үткәрде.