26 нчы апрель көнне «Алабуга» МИЗ территориясендә  «Аҗаган 2.0» Бөтенроссия хәрби-патриотик уенының зона этабы узды. Безнең район данын «Галактика» иҗат үзәгендә тәрбияләнүчеләр яклады. Өлкән яшь төркемендә «Яшь коткаручы» отряды яшьармиячеләре, «Кукмара шәһәре Ч.Т.Айтматов исемендәге 1 нче гимназия» укучылары,  урта яшь төркемендә “Яшь патриот” отряды яшьярмиячеләре, “Кукмара  4 нче номерлы урта мәктәбе” укучылары, спорт каршылыклары сызыгын җиңеп, сафка әзерлектә катнаштылар, Ватан тарихы буенча белемнәрен тикшерделәр, сугыш кырында беренче медицина ярдәме күрсәттеләр. Ярыш йомгаклары буенча «Яшь коткаручы» отряды яшьармиячеләре өченче урынны яуладылар һәм грамоталар,  истәлекле бүләкләр белән бүләкләнделәр. “Яшь патриот”  отряды яшьармиячеләре “Ватан тарихы” номинациясендә 2 нче урын, “Тактик эстафета”, “Хәрби эстафета” номинацияләрендә 3 урынны алдылар. Матвеев Захар “Снайпер” номинациясендә 2 нче урынны яулады. Яшьармиячеләрне җиңүләре белән котлыйбыз һәм алга таба да уңышлар теләп калабыз!