2024 елның 11 апрелендә Балтач шәһәренең «Балтач» мәдәният үзәгендә «Без берга» Республика балалар халык иҗаты фестиваленең зона этабы узды. Фестиваль халык иҗаты өлкәсендә балалар сәләтен үстерү, балаларның шәхси уңышлары, аларны Россиянең этномәдәни мирасы кыйммәтләренә җәлеп итү максатыннан уздырылды, үз эченә халык иҗаты конкурсын һәм декоратив – кулланма әйберләр конкурс – күргәзмәсен алды. Быел фестивальнең темасы «Гаилә – Россия җаны». Халык иҗаты конкурсы кече төркем (7-12 яшь) һәм өлкән төркемнәр  (13-18 яшь) арасында узды һәм түбәндәге номинацияләрне үз эченә алды: «Халык вокалы», «Халык вокаль ансамбле», «Хореография», «Инструменталь ансамбль», «Художественное чтение», «Театр иҗаты», «Иҗади гаилә». Конкурс-күргәзмә номинацияләре: «Декоратив эшләнмә», «Гаилә династиясе», «Иң яхшы күргәзмә экспозициясе». 
      Халык иҗаты конкурсында «Галактика» балалар иҗаты үзәге, Кукмара балалар сәнгать мәктәбе, Яниль урта мәктәбе, Почкучук урта мәктәбе, Манзарас урта мәктәбе актив катнашты. «Кукмара муниципаль районының иң яхшы күргәзмә экспозициясен»  «Галактика» балаалр иҗат үзәге һәм Кукмара балалар сәнгать мәктәбе тәкъдим итте. «Галактика» балалар иҗат үзәге педагоглары Артур һәм Диләрә Шакировлар «Гаилә династиясе» номинациясендә катнаштылар.