«Яшь коткаручы», «Бөркет» берләшмәләрендә шөгыльләнүче  30 укучы «Юнармия» Бөтенроссия хәрби-патриотик иҗтимагый хәрәкәте сафларына керде.  Хәрәкәтнең  төп максаты-үз Ватанының тарихын белгән һәм әти-бабаларының батырлыклары белән горурланган яшь буынга патриотик тәрбия бирү. Укучылар тантаналы рәвештә “Юнармия” хәрәкәтенә, сыйныфка, мәктәпкә, Ватанга тугры булырга ант иттеләр. «Юнармия» уставын үтәргә, намуслы, батырлыкның үрнәге булган яшьармиячеләр булырга, иптәшләре белән  үзара ярдәмләшергә, һәрвакыт көчсезләрне якларга, хакыйкать өчен көрәштә барлык киртәләрне җиңәргә, укуда, спортта җиңүгә омтылырга һәм үзләрен Ватан файдасына хезмәт итәргә әзер булган патриотлар булырга, Ватаныбызның азатлыгы һәм бәйсезлеге өчен көрәшкән батырларны хөрмәтләргә сүз бирделәр.  Җитәкчеләре Гыйлаев Фәрхәт Мөбәрәк улы, Гарипов Нияз Тәлгать улы.