Халык иҗаты өлкәсендә балалар сәләтен үстерү, балаларның шәхси уңышлары, аларны Россиянең этномәдәни мирасы кыйммәтләренә җәлеп итү максатыннан 2023 елның 4 апрелендә «Без берга» Республика балалар халык иҗаты фестиваленең зона этабы узды. Мамадыш, Кукмара, Әтнә, Теләче, Балтач, Саба һәм Менделеевск районнары вәкилләре чарада актив катнаштылар.
      Фестиваль кысаларында «Россия сувенирлары» декоратив – кулланма әйберләр конкурс-күргәзмәсе узды. Күргәзмәнең тематикасы «Минем халкым мирасы» иде. Анда укучылар халык һөнәрчелек мәдәнияте традицияләрендә эшләнгән, тукыма, җеп, тире, агач, каен, балчык, металл материалларыннан эшләнгән эшләнмәләрне тәкъдим иттеләр. 
     «Россия халыкларының этнографик мозаикасы» халык иҗаты конкурсы 9 номинация: халык вокалы, халык вокаль ансамбле, хореография, нәфис уку, театр иҗаты, мода театры, инструменталь ансамбль, иҗади гаилә һәм иҗади канатлар номинацияләре буенча уздырылды Кукмара муниципаль районыннан 110 нан артык укучы, 20 җитәкче үзләренең конкурс чыгышларын тәкъдим итте. Зона этабы җиңүчеләре һәм призерлары фестивальнең республика этабында катнашачак.