14 нче апрель көнне ”М.М. Мансуров исемендәге Зур Кукмара урта гомуми белем бирү мәктәбе”ндә һәм “Ялкын” яшьләр клубында  «Аҗаган”  Бөтенроссия хәрби – патриотик уеннарының район этабы үткәрелде. Уеннарда 24 белем бирү оешмаларыннан 25 команда катнашты. Барлыгы 262 укучы  “Ашыгыч ярдәм күрсәтү”, “Сафка тезелү”, “Росcия тарихы”, “Гәүдә күтәрү”, “Автоматтан төз ату”, “Автоматны сүтеп кору”, “3 метрга йөгерү” буенча  көч сынаштылар. Кечкенәләр төркеме арасында I урынны “Кукмара  4 нче  номерлы урта  мәктәбе”, җитәкчеләре Шакиров  Айрат Васил улы, II урынны “Кукмара шәһәре Ч.Т. Айтматов исемендәге 1 нче номерлы гимназия”, җитәкчеләре Гилаев Фәрхәт Мөбәрәк улы; “Чарлы урта мәктәбе”, җитәкчеләре Чапуринов Александр Николаевич;   III  урынны  «П.Е. Воробьев исемендәге Түбән Үрәс авылы урта мәктәбе», җитәкчеләре Михайлов Алик Николаевич яуладылар.

Зурлар төркеме арасында I урынга - «А.М.Булатов исемендәге күппрофильле лицей», җитәкчеләре Шайдуллин Ришат Рафыйк улы, II урынга “Кукмара  3 нче  номерлы урта  мәктәбе”, җитәкчеләре Гарафиев Ленар Зыятдин улы,  III урынга   “Кукмара шәһәре Ч.Т. Айтматов исемендәге 1 нче номерлы гимназия”, җитәкчеләре Гилаев Фәрхәт Мөбәрәк улы лаек булдылар. Барлык командаларны да җиңүләре белән котлыйбыз!