Балаларның экологик культураларын арттыруга теләктәшлек итү, кеше белән табигатьнең бәйләнеше турында күзаллауларын киңәйтү максатыннан 26 нчы март көнне А.М. Булатов исемендәге ял паркында, “Халыкара кошлар көне” экологик бәйрәм кысаларында, сыерчык оялары ясау буенча бәйге үтте. Бәйгегә 29  белем бирү учреждениеләреннән 160 сыерчык оясы тәкъдим ителде. Мәктәп җитәкчеләре, хезмәт укытучылары, укучылар бәйгегә яхшы әзерләнгәннәр. Алар уңайлы, оригиналь, яхшы, сыерчык оялары ясаганнар. Конкурс нәтиҗәләре буенча “А.М. Булатов исемендәге күппрофильле лицей” укучысы Ямалов Римхан “Иң креатив сыерчык оясы” ясаган өчен махсус приз белән бүләкләнде. Түбәндәге мәктәпләр җиңү яулады:

 Шәһәр мәктәпләре арасында:

1 урын –  “Кукмара 3 нче  номерлы урта  мәктәбе”;

   2 урын –  “Кукмара шәһәре Ч.Т. Айтматов исемендәге 1 нче номерлы гимназия”;

  3 урын – “Кукмара 4 нче  номерлы урта  мәктәбе”, «А.М.Булатов исемендәге күппрофильле лицей».

 Авыл мәктәпләре арасында:

1 урын –  “Ядегәр урта мәктәбе”, “Нырья урта мәктәбе”;

2 урын –  «Починок Кучук урта мәктәбе», «Лельвиж урта мәктәбе»;

3 урын –  «Түбән Өскебаш урта мәктәбе», «Байлангар урта мәктәбе »,  «Түбән Үрәс авылы урта мәктәбе».

Шулай ук гомуми урта белем бирү мәктәп укучылары I, II һәм III дәрәҗәдәге дипломнар белән; “Мастер класс”, “Иң уңайлы сыерчык оясы”, “Калдыклардан ясалган иң яхшы сыерчык оясы”, “Тамашачы күңелен яулаган сыерчык оясы” номинацияләрендә бүләкләнделәр.