Укучыларның хокук буенча белемнәрен тирәнәйтү, иҗади активлыкларын  бәяләү, яшьләрне сәяси тормышка якынайту, гражданлык үзбилгеләү, патриотик тәрбия бирү  максатыннан 7 нче февральдән 7 нче мартка кадәр Парламент дәресләре – 2022 кысаларында республика конкурсының муниципаль этабы үткәрелде.  Бәйге гомуми белем бирү мәктәпләре укучылары арасында, балалар рәсеме “Конституция балалар күзләре белән”; инша “ Бала – хокуклар илендә”, “Безнең тормышыбызның төп кануны”, “Коституциямне беләм”; эссе “Конституция – кеше хокукларының ныклы нигезе”; видеоролик “Конституциянең маддәләре”; шәхси проект “Мин – гражданин! Минем хокукларым һәм бурычларым”; “Парламент дәресләре турында социаль челтәрләрдә иң яхшы медиаконтент” номинацияләрендә үтте. Бәйгедә 87 укучы катнашты, шулар арасыннан 53 укучы призлы урыннарга ия булдылар һәм Кукмара муниципаль  районы башкарма комитеты Мәгариф идарәсе, “Җиһан” балалар иҗат үзәге”нең грамоталары белән бүләкләнделәр. Җиңүчеләрнең эшләре республика этабына җибәрелде.