Поздравляем нашего призера бронзового уровня Федотова Айназа Радиковича по итогам очной олимпиады "Логические раскраски" в рамках международного проекта "Сомик"

Хушлашасыз бүген бакча белән

Күңелегез тулган шатлык белән.

Барлык килгән кунак сезне котлый

Бәйрәм белән дуслар, бәйрәм белән!

Кадерле балаларыбыз! Киләсе тормышыгызда да матур истәлекле вакыйгалар күп булсын. Бүгенге бәйрәм көне дә күңелегездә мәңге саклансын иде. Мәктәптә дә тырыш, тәртипле укучылар булыгыз. Хәерле ак юл сезгә!

Поздравляем нашу победительницу Кондрашину Камиллу Артуровну "Абсолютного победителя" по итогам очного конкурса чтецов "Вклад в Победу" в рамках международного проекта "Сомик"

Татар халкы үзенең бөек шагыйре Г.Тукайны онытмый. Ел саен 26 апрельдә аның туган көнен билгеләп үтә. Г.Тукайның иҗатына кызыксыну тәрбияләү максатыннан,  төрле чаралар оештырылды.  Балалар, тәрбияче белән бергәләп, язучының әкиятләрен искә төшерделәр, шигырьләрен укыдылар;  әти-әниләр белән берлектә “Тукай геройлары ” дигән темага рәсемнәр ясадылар; әдипнең әсәрләрен өйрәнеп,   “Шигырь бәйгесе”ндә катнаштылар. Йомгаклау чарасы буларак “Тукай - безнең күңелләрдә” дигән әдәби- музыкаль кичә узды. Кичә барышында шагыйрьнең тормыш юлы искә төшерелде, “Кызыклы шәкерт”, “Бала белән күбәләк”, “Гали белән кәҗә” әсәрләре  сәхнәләштерелде, Тукайга багышланган шигырьләр укылды, җырлар җырланды. “Өзек кайсы шигырьдән?”, “Рәсемне таны”, “Капчыкта нәрсә бар?” уеннарында балалар бик актив булдылар, белемнәрен күрсәттеләр. Бәйрәмгә әкият персонажларының кунакка килүе тагын да ямь өстәде. Шүрәле, Су анасы, Кәҗә белән Сарыкның   күмәк уеннарда  уйнавы нәни дусларыбызга  бик күп шатлык, сөенеч китерде.

Г.Тукай үзенең иҗат җимешләре  аша хезмәтне, табигатьне, кешеләрне яратырга; гадел, мәрхәмәтле булырга өйрәтә. Ә сабыйларыбызның аның әсәрләрен белүләре, кызыксынулары, татарча матур итеп сөйләүләре безнең - тәрбиячеләрнең- күңелендә горурлык һәм якты хис уята.

Бездә кышлаучы кошларны суыклар куркытмый, ә менә ачлык — аларның иң явыз дошманы. Аларның җылы күлмәкләре дә, өйләре дә юк! Алар ачы буранда да, салкында да ачык һавада йоклыйлар. Кошлар безнең ярдәмгә бик мохтаҗ. Без аларга ярдәм итеп, кошларны гына түгел, үзебезнең табигатебезне дә саклыйбыз. Кошлар елына ничәшәр миллион кортларны юк итә. Урман, кырларыбызны, басуларыбызны корткычлардан саклый. Матур итеп сайраулары белән безне сөендерә. Без рәхәтләнеп кошлар сайравын тыңлыйбыз. Аларны саклыйк, кайгыртыйк һәм үзебезнең кулдан килгәнчә ярдәм итик.

Сабан туе, сабан туе!

Без бакчада уйныйбыз.

Ярышабыз, узышабыз, 

Матур җырлар җырлыйбыз!