Көзге-кышкы йолалар һәм бәйрәмнәр арасында "Каз өмәсе" аерым бер урын тота. Каз мамыгыннан ясалган мендәр өеменнән башка татар йортын күз алдына да китереп булмый.  Ә күп төрле каз ашлары һәр бәйрәм табынының күрке булып тора. Бүген бакчабызда халкыбызның милли традицияләрен үсеп килүче буынга тапшыру максатыннан "Каз өмәсе" йоласы үткәрелде. Өмәдә балалр каз йолкыдылар, аларны көянтә белән чишмә буена алып төшеп чайкый-чайкый юдылар ,җырлы-биюле уеннар уйнап күңел ачтылар.