13-15 февраль көннәрендә Казан шәһәрендә туган (татар) телендә гомуми белем бирү мәктәпләрендә укучы балалар өчен татар әдәбияты буенча республика олимпиадасының йомгаклау этабы үтте. Олимпиада да районнан 4 укучы катнашты, шуларның 2се призер булды. Фасил Әхмәтов исемендәге Кәркәвеч төп гомуми белем бирү мәктәбенең 8нче сыйныф укучысы Рәхимова Айзирә (укытучысы - Гайнуллина А. И.), Ядегәр урта мәктәбенең 7нче сыйныф укучысы Фәйзуллина Алсу (укытучысы - Фатыйхова Л.Ш.) татар әдәбияты фәненнән призер булды. Укучыларны һәм аларны олимпиадага әзерләгән укытучыларны җиңүләре белән котлыйбыз, алдагы эшләрендә дә уңышлар телибез.