1-13 февраль көннәрендә Казан шәһәрендә туган (татар) телендә гомуми белем бирү мәктәпләрендә укучы балалар өчен татар теле буенча республика олимпиадасының йомгаклау этабы үтте. Олимпиада да районнан 11 укучы катнашты, шуларның 1се – җиңүче, 5се призер булдылар. Сәрдекбаш урта мәктәбенең 4нче сыйныф укучысы Ганиева Таңсылу (укытучысы Ногманова А.) җиңүче, Янил урта мәктәбенең 6нчы сыйныф укучысы Хәбибуллин Равил (укытучысы Хисматова А.Х.), Село-Чура урта мәктәбеннән 7нче сыйныф укучысы Иванова Вероника (укытучысы Карпова Е.С.), 8нче сыйныф укучысы Николаева Эльза (укытучысы Данилова С.Г.), 10нчы сыйныф укучылары Зур Сәрдек гимназиясеннән Шагабиева Мәрьям (укытучысы Гасимова Ч.Г.), Кукмара шәһәре 1нче номерлы гимназиясеннән Бариева Алия (укытучысы Нәҗипова Г.Ш.) призерлар булды. Укучыларны һәм аларны олимпиадага әзерләгән укытучыларны җиңүләре белән котлыйбыз, алдагы эшләрендә дә уңышлар телибез.