5-7 февраль көннәрендә Казан шәһәрендә рус телендә гомуми белем бирү мәктәпләрендә укучы рус милләтеннән булган балалар өчен татар теле буенча республика олимпиадасының йомгаклау этабы үтте. Олимпиада да районнан 13 укучы катнашты, шуларның 9ы призлы урынга ия булды. Кукмара 3нче урта мәктәбенең 4нче сыйныф укучысы Кузьмина Дарина, 7нче сыйныф укучылары Аблаева Карина һәм Аблаева Ангелина, 9 нчы сыйныф укучысы Леонтьева Екатерина (укытучылары Гатауллина Л. Ф.), 5нче сыйныф укучысы Григорьев Ярослав, 10нчы сыйныф укучысы Леонтьева Дарья, 11нче сыйныф укучылары Сабанчеева Анастасия һәм Исаева Дарья (укытучылары Хасанова Г.Г.), Кукмара 4нче урта мәктәбенең 5нче сыйныф укучысы Байгельдин Егор (укытучысы Галимуллина З.М.) призерлар булды. Укучыларны һәм аларны әзерләүче укытучыларны җиңүләре белән котлыйбыз. Алдагы эшләрендә уңышлар телибез.