Хөрмәтле милләттәшләр, райондашлар! Сезне 21 февраль – Халыкара туган тел көне белән ихлас күңелдән котлыйм! Һәр милләт милли гореф-гадәтләрен хәзинә итеп буыннан-буынга тапшырып килгән, гасырлар дәвамында саклаган, туган теленең бәяләп бетергесез кыйммәтен камилләштереп торган, горурланган. Кукмара районының күп өлешен татар милләте вәкилләре алып тора. Туган телебезнең матурлыгын, тарихын саклап, милли йөзен булдарган алар. Кукмара җирлегендә рус, мари милләтеннән булган райондашлар да үзләренең гореф-гадәтләренә, тарихына тугры калып яшиләр. Татарстанда иң күп удмуртлар Кукмара районында. Алар үзләренең традицияләрен саклап, тарихларын барлап, үсеп килүче буынга туган телләрен, мәдәниятен дөрес итеп, матур итеп тапшыра беләләр. Һәр бала үзенең ана телен белергә хокуклы.
Хөрмәтле райондашлар! Туган телебезне хөрмәт итик, яратыйк, камиллеккә омтылыйк. Халыклар дуслыгы бер вакытта да югалмасын, таркалмасын иде. Бәйрәм белән!