2021 елның 26 февралендә 2021 ел- Татарстанда туган телләр һәм халыклар бердәмлеге елы, Туган тел атнасы кысаларында районыбызның “Салават күпере” иҗат берләшмәсе әгъзасы шагыйрә Рафилә Фаттахова белән очрашу кичәсе узды. Зурлар төркеме балалары тәрбияче Ибраһимова Рүзилә Рифхәт кызы белән берлектә Рафилә Фаттахованың балалар өчен язган “Нәни көчегем”, “Табылдык”, “Тегүче кыз”, “Алтын бөртекләр”, “Салкын тешләгән”, “Уңышка яңгыр кирәк”, “Мияукай”, “Киттек чана шуарга”, “Чебием”, “Песи кирәк” шигырьләрен сөйләделәр, татар халык уеннары “Зәңгәр чәчәк”, “Түбәтәй” уеннары  уйнадылар, мәкальләр әйтештеләр,  мәктәпкә әзерлек төркеме балаларыннан торган “Елмаю” бию төркеме үзләренең дәртле биюләрен бүләк итте. Кичә барышында Рафилә Фаттахова балаларга үзенең шигырьләрен укыды, шигырьләр буенча әңгәмә оештырды. Кичә оешкан төстә үтте, әлеге кичә балалар күңелендә якты эз калдырыр дип ышанасы килә.