Соңгы вакытларда халкыбызның традицияләре, онытылп бара торган йола-бәйрәмнәре кабат искә төшерелеп  зур сәхнәләрдән күрсәтелә башлады. Без дә  балалар бакчасында онытылып барган “Орчык өмәсе” үткәрдек. Мәктәпкә әзерлек төркеме балалары, аларның әбиләре, әниләре, бакчабызга беркетелгән авыл балалар бакчалары тәрбиячеләре, районыбызның “Ак калфак” татар хатын-кызлар иҗтимагый оешмасы  әгъзалары катнашкан әлеге өмә борынгыдан калган җыр-биюләр, мөнәҗәтләр белән үрелеп барды. Балалар элек бик тә кирәк булган йон язу, җеп эрләү, бәйләү серләре белән таныштылар, бармак уеннары , җырлы- биюле уеннар уйнадылар, табышмаклар чиштеләр, хезмәт турында татар халык мәкальләрен искә төшерделәр.