2017 елның 21 апрелендә Кукмара бистәсе дүртенче номерлы “Ләйсән” балалар бакчасында Татарстан Республикасы  Кукмара муниципаль районы Башкарма комитеты мәгариф идәрәсе методистлары Фәйзетдинова Р. С, Хәбибуллина  З.Л., район балалар бакчалары тәрбиячеләре, Кукмара бистәсенең дүртенче номерлы гомуми белем бирү мәктәбенең башлангыч сыйныф укытучылары катнашында “Мәктәпкәчә федераль дәүләт белем бирү стандартлары нигезендә мәктәп белән дәвамчылыкны оештыру” темасына практик семинар булып үтте. Семинарда канашучылар бу тема буенча балалар бакчасының эш тәҗрибәсе белән таныштылар, икенче номерлы мәктәпкә әзерлек төркемендә югары квалификацион категорияле тәрбияче Газизова Ильмира Җәүдәт кызы  “Математика иленә сәяхәт”,  беренче номерлы мәктәпкә әзерлек төркемендә югары квалификацион категорияле тәрбияче Сәлимгараева Нүрия Фәтхетдин кызы  рус теленә өйрәтү буенча “В поисках сокровища” темасына  эшчәнлекләр, Шәмсетдинова Гөлшат Шамил кызы “Ата-аналар белән эш оештыру” темасына мастер-класс  тәкъдим иттеләр, Кукмара бистәсенең дүртенче номерлы гомуми белем бирү мәктәбенең башлангыч сыйныф укытучысы Динмөхәммәтова Рушания Фәхразый кызы “Беренче сыйныфта балалар белән эш оештыру” темасына чыгыш ясады. Татарстан Республикасы  Кукмара муниципаль районы Башкарма комитеты мәгариф идәрәсе методистлары Фәйзетдинова Р. С, Хәбибуллина  З.Л. киңәшмә турында уңай фикер әйтеп, алга таба да   балалар бакчалары һәм мәктәпләр арасында мондый төр эшчәнлекне дәвам итәргә кирәклеге турында әйтеп үттеләр. Практик семинар югары оешкан төстә барды, семинарда катнашучылар бар да уңай фикердә калдылар.