Мәктәптә  халыкара Туган тел көненә багышланган чаралар үтә. Барлык сыйныфларда да сыйныф сәгатьләре уздырыла.  2,4,5 нче сыйныфлар  өчен    "Туган телем-иркә гөлем"  темасына  үткән    кичәдә  укучылар туган телебезгә багышланган бик матур hәм эчтәлекле шигырьләр сөйләделәр, тапкырлыкта - зирәклектә үзара көч сынаштылар.

Хөрмәтле ир-егетләребез! Сезне чын күңелебездән 23 февраль — Ватанны саклаучылар көне белән котлыйбыз. Сезгә һәм гаиләләрегезгә тыныч күк йөзе, ныклы сәламәтлек, бәхет, муллык , һәр эшегездә уңышлар теләп калабыз.

Бүген мәктәбебездә Ватанны саклаучылар көненә багышланган "Стройда җырлап атлыйбыз" бәйгесе  узды. Бәйрәмгә әзерлекне укучылар ай башыннан ук башладылар,   хәрби командаларны үтәделәр, җырлар өйрәнделәр.Бәйрәм бик матур килеп чыкты. Конкурсның төп призы- авылыбыздан Әфган сугышында катнашкан батырлар тарафыннан бүләк ителгән күчмә кубок. Бу кубокка мәктәбебезнең 6 нчы сыйныф укучылары лаек булды.

Мәктәбебез укучылары  Абдуллина Динә  һәм Аминова Дилә  Республика күләмендә зур җиңүгә ирештеләр. Динә- экология фәненнән,  Дилә- рус теле фәненнән  предмет олимпиадаларының  региональ этабында  призер булдылар. Алар районыбыз, мәктәбебез рейтингын күтәрүгә  үзләренең лаеклы өлешен керттеләр. Динә  белән Диләне, олимпиадага әзерләгән  укытучылар Гарифуллина Ф.Ш., Хисамиева Г.Т.,  әти-әниләрен бу зур җиңү белән  котлыйбыз. Алга таба да укуларында,тормышларында  зур уңышлар, саулык-сәламәтлек телибез.

Кичә район Мәдәният йортында  “Салават күпере” иҗат берләшмәсе оешуга 50 ел тулу уңаеннан зур чара узды. Шулай ук рәссамнарның республика конкурслары лауреаты Нурислам Галиевның иҗади эшчәнлегенә 50 ел тулуга багышланган шәхси күргәзмә дә ачылды. Иҗат бәйрәмендә катнашучыларны район башлыгы урынбасары Равия Каримуллина тәбрикләп, “Салават күпере” берләшмәсенең җитәкчесе, ветеран журналист,  авылдашыбыз  Рәшит Минлегалиевка “Кукмара муниципаль районы алдындагы казанышлары өчен” медален тапшырды. 

Юбилейга язучылар, якташлар бик күп кайткан иде. Фоат Галимуллин, Шаһинур Мостафин, Газинур Морат, Таһир Исмәгыйлев, Расих Сабирҗанов, Рифә Рахман, Шәмсия Җиһангирова, Ләбиб Лерон, Рүзәл Мөхәммәтшин, Марзыя Мухина, Шәмсия Хәлимова, Нәҗип Әминовлар үзләренең истәлекләре белән уртаклаштылар, тамашачыларга иҗат җимешләрен бүләк иттеләр.

Бәйрәм якташларыбыз башкаруындагы  матур җырлар белән үрелеп барды. Кичәдә катнашкан һәркем күңеленә рухи азык туплап, рәхәтләнеп ял итеп таралышты.

Бүген 2,4 сыйныф укучылары белән  Муса Җәлил батырлыгына багышланган  кичә үтте. Интеллектуаль-танып белү чарасы  Муса Җәлилнең  героик тормышына һәм иҗатына багышланган  презентация белән  үрелеп барды. 

Бүген 8 класста "Батырлык эшләү җиңелме?" темасына сыйныф сәгате үтте. Дәрестә укучылар тыныч тормышта батырлык күрсәтүчеләр-суга батучыларны,янгын эчендә калучыларны коткаручылар,мохтаҗларга ярдәм итүчеләр,сугыш кырларында батырлыклар күрсәтүчеләр һ.б. батырлар турында бай эчтәлекле видеоматериал карадылар, әңгәмә оештырдылар. Әлеге чара укучыларга патриотик һәм әхлак тәрбиясе бирүдә уңышлы булды.

    Кышын, салкын җилләрне җиңеп, нәни канатларын җилпеп азык эзләүче кошларга бик кыен.  Бозлавык вакытларда аларга агач кәүсәсе буйлап ризык эзләве тагын да кыенлаша. Шуңа күрә кышын кошлар кешеләр  янына елыша, ярдәм өмет итә. Чөнки кошларга салкыннар түгел, ә ачлык күбрәк куркыныч тудыра.

Мәктәп китапханәсендә Муса Җәлил һәм аның көрәштәшләренә багышланган китап күргәзмәсе  

Кыш җиттеме-кошлар өчен

Без ашханә  ачабыз.

Җимлекләр ясап эләбез,

Кошларны ашатабыз.

Килегез,кил,кошкайлар,

Сез бит безнең  дускайлар!

Җимлеккә сез куныгыз,

Көн дә кунак булыгыз!

Рәсемдә: мәктәбебезнең башлангыч сыйныф укучылары  кошлар өчен җимлек куя.