10 апрельдә балалар бакчасында “Туган йортым, туган җирем – Татарстаным” дигән патриотик-әхлак тематик  кичә  булып үтте. Кичәне мәктәпкә әзерлек төркем балалары белән берлектә Абдрахманова С.И.,-телләр тәрбиячесе, Галиева Г.К., Мухаметшина Г.М.-тәрбиячеләр әзерләделәр.

Кичәнең максаты: Балаларның  туган ил, туган як турында күзаллауларын арттыру, аңа карата мәхәббәт, горурлану хисе тәрбияләү, сөйләм культурасын, иҗади сәләтләрен үстерү иде.

Кичәгә бакчага йөрүче балалар, аларның әти-әниләре, әби-бабайлары килгән иделәр. Шулай ук чакырылган кунаклар:  Киров һәм Мәскәү районнарының администрация урынбасары Петров Алексей Владимирович,  Киров һәм Мәскәү районнарының мәдәният бүлеге җитәкчесе Гараева Лилия Ильдусовна, Татарстанның атказанган һәм халык артисты  Галиев Мингол Вагизович  үзенең шәкерте Илдар, профессор Галимуллин Фоат Галимуллович  һәм  җырчы Лилия Муллагалиева.

Балалар иртәсен бакча мөдире Юсипова Асия Шамилевна ачып җибәрде. Ул балалар бакчасының төп юнәлешләрнең берсе патриотк тәрбиянең балаларга ничек җиткерү турында сөйләде.

Киров һәм Мәскәү районнарының администрация урынбасары Петров Алексей Владимирович кунакларны һәм балаларны якынлашып килүче Бөек җиңүнең 70 еллыгы белән котлады.

Килгән кунаклар өчен балалар туган җир турында шигырьләр сөйләделәр, җырлар җырладылар. Шулай ук “Без бит авыл кызлары” дигән җырны Лилия Муллагалиева җырлады, ә бакча балалары биеделәр.

 Фоат Галимуллович үзенең сүзен туганда ук әтисез калган булуы турында башлады. Ул 1941 елның 21 мартында Татарстанның Кукмара районы Арпаяз авылында туган. Әтисе Галимулла 1941 елның декабрендә, нәкъ утыз яшендә, Мәскәү янындагы сугышларның берсендә һәлак була. Балалар Фоат абыйның яшьлек елында нинди авырлыклар күреп үскәнен игътибар белән тыңладылар.

Миңгол Галиевның төрле елларда исеме алыштырылган Казан дәүләт педагогика университетының музыка факультетында күп еллар педагогик, фәнни хезмәтләр (алар 50дән артык) белән бергә концерт һәм музыкаль-агарту эшчәнлеге алып баруы, музыкаль конкурсларда жюрида эшләве мәгълүм. Аның шәкертләренең күпчелеге республика, Бөтенроссия, халыкара дәрәҗәдә лауреатлар һәм дипломантлар булганнар, мактаулы исемнәр алганнар. Балалар иртәсенә дә Моңгол абый үзенең шәкерте Илдар белән килгән иде..

Милли музыкаль сәнгатьтә якты эз калдырган Сара Садыйкова, Бату Мулюков, Салих Сәйдәшев, Габдулла Рәхимкулов, Таһир Якупов, Рахилә Мифтахова кебек фидакарь затларыбызга багышланган фәнни мәкаләләре Миңгол Галиев авторлыгында басылып чыгуын да әйтеп үтү урынлы. Татарстан республикасының музыка фондларда исә аның башкаруында йөздән артык татар җыры, мөнәҗәтләр саклана.

Балалар иртәсенең чакырылган кунагы Лилия Муллагалиева үзенең яраткан  җырларын җырлап, килгән кунакларның күңелләренә үтеп керде.

Бәйрәм күренешенең фоторепортажын фотогалереядан карарга була.