"Тамчылар" оешмасының (җитәкчесе Рәзинә Гәрәфетдин кызы) "Дуслык" отряды волонтерлары Бөек Ватан сугышы ветераннары Галимҗан Зарип улы Зариповның, Галимҗан Шайхуллинның һәм Юлий Абрамович Вовчакның өйләрендә булдылар. Ветераннарның яшәү шартлары, теләкләре турында белештеләр. Сугыш елларын искә төшереп утырдылар. Галимҗан Зарип улы һәм Юлий Абрам улы фатирларына ремонт крәк булса, Шайхуллин яшәгән йорт бик искергән, юынырга да урын юк икән, туалет та урамда. Өлкән ветеранга бу яшьтә яшәү шартлары бик җайсыз. Уңайлыклары булган фатир өмет итә ветеран.
Варислар килгәнгә ветераннар бик шатландылар, гимназия тормышы, аларның укулары белән кызыксындылар. Сөйләшеп сүзләре бетмәде. Тагын килергә, кулдан килгәнчә ярдәм итәргә теләк белдереп бергәләп чөйләп алганнан соң таралыштылар. Күңелләр күтәренке, ветераннар гел сафта.